Guddoomiyaha degmada Yaaqshiid
Muxuyadiin Xasan Jurus oo xiriirka Soomaaliyeed ee kubada cagtu uu u aqoonsaday
guddoomiyaha ugu kubad jacaylka badan tartanka degmooyinka ayaa waxaa uu sheegay
in uu aad ugu rajo weyn yahay in wiilashiisu ay ku guuleysan doonaan koobka
degmooyinka marka cayaarta kama dambeysta ah ay jimcaha la yeeshaan degmada

Dharkeynley.
Maanta aad ayaan u faraxsanahay,
kooxdeyda waxay soo gaartay final sidii aan horayba ugu rajo weynaa—wiilasheydu
awood ayay leeyihiin waxaana aad u rajeynayaa in ay koobka qaadi doonaan”ayuu
saxaafada u sheegay guddioomiyaha degmada yaaqshiid muxuyadiin xasan Jurus kadib
markii shalay kooxiisu ay rigooreyaal uga badisay kooxda degmada Wada Jir.
Mr. Jurus waxaa uu amaanay qaab ciyaareedka kooxda kasoo hor jeeda ee
Wadajir oo uu sheegay in ay cayaar wanaagsan soo bandhigeen isagoona dhanka kale
sheegay in ay shiiqday rajadii uu lahaa gudoomiyaa kasoo hor jeeday Axmed Daaci
oo horay ugu goodiyay in uu ka adkaan doono. “Saaxibkey Axmed Xasan
Cadow Axmed Daaci wuxuu iigu goodiyay in uu tartanka iga reebi doono laakin
isagi ayaan reebay waxaana usheegayaa in aad aad uga xumahay saaxibkey in aan
reebnay, waxaan ka jeclaan lahaa degmo kale in aan is aragno intii aan saaxibkey
isku dhici lahayn”ayuu si farxadi ku jirto u yiri guddoomiyaha degmada Yaaqshiid
oo kumanan taageerayaal ahi ay kor u xambaareen markii garooruhu firimbiga
cayaarta dhamadkeeda ah ku dhawaqay. Dhankiisa Axmed Daaci ayaa sheegay
in hadii cayaar kubada cagta ah la isaga hor yimaado ay dheceyso in la guuleysto
ama la guul dareysto laakin muhiimadu ay ahayd in dhalinyarada Soomaaliyeed si
farxad leh ku cayaaraan si loo ilowsiiyo dhibaatootyinkii dagaalada sokeeye.
Dhanka kel guddoomiyaha guddiga sportia degmada Yaaqshiid Nuur Cali
barrow oo loo yaqaano Nuur Estaro ayaa sheegay in dhalinyaradiisu muddo 4 bilood
ah tababar soo wadeen taasina ay keentay in maanta heerkan ay soo gaaraan.
Waxaa uu Nuur Estaro intaa ku daray in maamulkiisu uu hada diyaarinayo
garoon weyn oo cayaartoyda degmadu ay ku tababar qaadan doonaan iyo xarun ay
dagaan isagoo yiri “waxaan kaalin weyn ka cayaareynaa horumarinta kubada cagta
ee dlaka Soomaaliya”. Si kastaba ha ahaatee Yaaqshiid waxaa sugeysa
Dharkeynley oo iyaduna ah degmo aan la dhayelsan Karin waxaase laga dhur sugayaa
jicamaha iyo wixii dhaca. Shaafici Islow
Written
By: abukar m.a.l.a.a.y
Date Posted: 12/28/2011